kontadenn ar gouloù-koar Kontadenn ar gouloù koar (WMA) Ur person kozh oa erruet ba’  Landelo, se oa kant vloaz zo ;hag  eñ oa  chomet e-pad tregont vloaz eno.  ANVEZ A RAE toud an dud ba’r barrez, ha toud ar pezh basee ba’ parrez Landelo. Yann ha Soaz oa bet EUREUJET gantañ. Ur wech  pa oa o treuz’ ar vourc’h ‘noa gwelet Soaz, ha Soaz oa trist, trist -tre. -« Petra c’hoarvez ganeoc’h Soaz ? O, feiz ! dimezet on dijà  dek vloaz zo , mont a ra an tiegezh mat en-dro, met an dra bennak zo n’a ket… n’eus ket bet heriter ebet c’hoazh ! - a ben!  lar ar person kozh, ar gwellañ tra peus d’ober eo mont da wel’ an APOTIKER. - o! bet on bet wel’ an apotiker dijà, roet ‘neus hennezh kalz louzou din, ‘neus netra d’ober!Ha giz-se ’mañ! ’Peus ken mont da wel AN DISKONTER! bet on bet da wel’ n’añ , diskontet ’neus meur a wech , div pe deir gwech. Memestra! oa netra d’ober,memes mod atao, oa ket moaien ebet da gaout  heriter ebet  ! Neuze ’lar ar person, ar gwellañ tra peus d’ober eo mont da Lourd,  da lak UR GOULOU-KOAR,hag elum ‘nei ! Ha, feiz, lar Soaz , se  meus ket bet graet  c’hoazh!” Hag hi  ‘lar da Yann pa oa digoue’et  b’ar gêr: “An Aotrou Person ‘neus laret din: ma’hat n’eus ken  nemet ul louzoù  gouest da sikour da gaout un heriter :  ret eo mont da Lourd d’elumiñ ur goulou koar!“ E giz-se, e ya Yann da Lourd, da elum ur goulou-koar...Ha kroget ar reuz! Ur bloavezh war-lec’h ,“ça y est“, n’eo ket un heriter oa bet, daou oa bet ‚’sambles! Ar person d’ar mare se , ken kozh all ’vel oa deut, oa aet WAR E LEVE, ha kaset d’un ti-retret, ’meus ket sonj ken pelec’h... Pa oa ba’n ti-retret  ‘TEUE DA SONJ DE’AN alies « Oh! pa oan ba’ Landelo  ‘anveen ur bern tud, bez oa homañ, bez oa hennezh, me mije karet mont da wel’ ane’he ! » Met ne oa ket evit mont e-giz-se, FORZH PEVARE ! Daouzek pe drizek vloaz goude-se ,’noa kavet unan bennak da zigas ‘nan da Landelo d’ober un droiad.  Pa oant erru ba Landelo, e lar an Aotou Person :  « ha ! sell !  me zo o vont da wel’ Soaz, ya ! » Pa oa erruet ba’ ti Soaz, oa den ebet ba’n ti, oa ken ur mous bihan, MATREZE oa daouzek pe drizek vloaz, - Ha, mous, ho-unan ’maoc’h ? E-pelec’h emañ da vamm ha da dad ? - Oh! fidamdoue! ME ZO O TIWALL ma c’hoarezed vihan ma breured bihan Ha da vamm, pelec’h ‘mañ hi? Ma mamm zo aet d’an ospital. Ha bon!  klañv bras eo? N’eo ket, aet eo da glask ur c’hoar vihan pe ur breur bihan all din! Ha bon! Ha da dad? Pelec’h ’mañ da dad? Ha feiz,ma zad! Hennezh zo aet da Lourd ! D’o’r  (d’ober) petra da Lourd? Da lazhañ ar goulou- koar ! Maurice Poulmarc'h o kontañ istor person Landelo   GERIOU DIAES   Anvez a rae (anavezout) a rae : il connaissait Eureujet : marié An apotiker : le pharmacien An diskonter : le guérisseur Ar goulou-koar : le cierge ( lumière de cire) War e leve : en retraite ’teue da soñj de’an : il se souvenait forzh pevare : n’importe quand matreze = marteze : peut-être me zo o tiwall : je surveille, je m’occupe de