D'ar bloavez dek ha per-ugent e ker Kreac'h'nigolenn
an distruj bras erruet gant ar Rouz d'eus Pleyben
Ar Rouz kozh hag e vab bras, n'eus c'hoantaed an tiegezh
ha peogwir oa reut o yalc'h, ar verzh zo bet sinet.
C'hwrec'h ugent devez-arat, ichou da friantel
Ha plas-walc'h da ledañ teilh-yer, berniet e Kergastel
Ur zulvez d'an abardaez, an daou Rouz o pourmenn
Tro-dro d'o farkeier frank e ker Kreac'h-Nigolenn
Hag int o tivizout on daou, gant loc'h n'o zaoulagat
" war an dachenn-man ni raio, ar baysan park zo er vro "
Ur park bras hep karz na kleuz, na gwezenn na lapous
Da lakaat an alar c'hwec'h boem da zouarat kaoc'h lipous
Goude vo hadet maïs louzaouet gant ar c'har nij
Tamm pe damm yelo a biou, vo ket sellet re biz
Hag ar vrud a redo bro, enor d'an daou baysan
Peder ensileus deus renk, n'eo ket tachenn a vank
Ar pez a zo en o gouloù eo ar c'hleuniou savet
Gant hon tud kozh " diskiant ", da ziwall o loened
D'o ziwall d'o waskedan deus ar glao an avel
Pa deu an diskar amzer aman e Breiz Izel.
Da zizeoliañ ar gazek hag e ebeul bihan
Pa vez heol berv miz eost, da greisteiz o poazañ
Da roin neiz d'ar voualc'h-zu, d'ar vran d'an durzunel
D'al laouenan d'ar gaouenn er pengostoù kleuzet
D'a droc'hañ nerz an avel draon pe avel biz ar menez
Da virout deus an douar-mat da ziskenn d'an draonienn
Da roin deomp koat da domman, derv vit ar c'halvez
Gwez fao vit ar boutaouer, pebez pinvidigezh
Dihastet e vo pep kleuz, 'vo n'emet ur park bras
Gelvet vo binviji krefiv, leusket kempenn ar plas
" Ni zo kouilhejenn Pleyben, ganeomp e vo desket
Pennaos labourat douar, da baotred Plonevez "
Un devez eus miz here a zigouehas an drailh,
Daou-dourter, pevar gar samm, war parkeier ar Baill
Ha tourtet ha didourtet, buhan buhan ruzet
Vit dizouarañ o gwriziennou, an holl gwez zo pilet
Bemiet uhel vit an tan, stlejet d'an izellou
war riblenn ster ar Voas Venn, da vreinañ o gwriziou
Ene zo graet ur veret gant gwez Krec'h'nigolenn
Ha gwasket mat va c'halon dirazo o tremenn
Memez ar gwez avalou laket gant Kerhoas kozh
Ha brudet vit ar jistr mat, zo taolet barz ar Roz
Glud bet ken d'al laboused, harp bet vit avel
Ha pa zeuio ar glao-pilh ar Voas Venn vo karget
Karget gant douar, gant kaoc'h-yer, ha louzeier chimik
vo skignet war ar park bras vit ar gwellañ maïs
Ar Rouz en deuz kavet an tu, digoust da vagañ pesket
Gant remorkadoù kaoc'h-yer ar re-man vo koffek
Ar C'hreoff hag an Hourmant daou chasseour brudet
Pa d'eus gwellet an distruj da vad int d'eus sonjet
Gant un tamm imor n'o fenn, ar fusul vo dilezet
Da c'hasseal er vro-man, vo red kaout un Exocet
Gant mestr-bras Pont ar Veuzenn vo prenet un dousen
vit ar c'had, ar Glujidi, pe c'hoas ar C'heffeleg.
Setu aze va zud kaezh, un taol brud da Blonevez
Meuleudi bras d'an daou Rouz er barrez erruet
Erruet gant o arc'hant da gompezañ '(ar) vro-man
da wastarañ ar goachou ha d'ar c'heuniou rissañ.
Da wastarañ ar goachou ha d'ar c'heuniou rissañ
Ken mantred oa tud ar vro, skrivet oa da Gozan
Skrivet oa d'an député, da Fanch Riou, Kuzulier
da zont da vel' ar blaenenn graet eus douarou Ker
Red vo sevel ul lezenn da virout (1) ar c'hleuniou
An distrujerienn renko leuskel gwezh'barz ar Vro
)
