Un ti bihan tost d'an hent braz
Gant un doen penseilhet mat

Un tamm koz kardi penn an ti
Da zastum koad ha binviji

Al liorzhig zo tro war dro
Gwellah liorzhig barz ar vro

Legumaj brav en e jardin
Ur glud d'ar yer, ur c'hraou lapin

Aze pinvidigez Jakez,
Vez ket friko en ti bemdeiz

Kromet Jakez'war e vaz kamm
C'hoenad pe halan pe tisplant

Devezour a hed e vuhez
Gant pae dister, labour kaled

N'eus morse sawet tiegezh
N'a bet na gwreg na bugale

Ar siminal bemdeiz Doue
Vogede halan ar vuhe

Chomet ont c'hwrec'h miz hep tremenn
Deus siminal, moget bet ken

Deus poaniou ar bed dizammet
Devezour kozh n'eus kavet fred

Kerzhet eo Jakez d'ar bed all
Gant he strep, he falz, he vouhal

E Baradoz ar vevelienn
D'ar Mistri na vo ket roet mel.