Me zo  ‘vont da gontañ deoc’h gwir buhez Chañ- Maï Skrañgn ‘giz veze laret, ar c’hontrol deus ar pezh vez kontet gantañ ‘ba’r beilhadegoù !

Me zo ganet ‘ba ‘r bloavezh 2O. Eizh vloaz oan pa on aet d’ar skol. Pemp klas oa da vont d’ar sertificat. Dalc’hmat oan  ar c’hentañ ba’r c’hlas hag AR SKOLAER Jezekel ‘noa  laret din “te zo gouest  da gaout da sertificat ‘sambles gant ar re all deus o oad ». Hag em moa tapet ‘ne’añ ! Met da drizek bloaz oan bet dalc’het ‘ba’r gêr da labourat gant ma zud. Goude-se on dime’et, bet seizh a vugale… Etre 1947 ha 196O on bet o terc’hel douar. Oan ket ‘met MEROUR ha pa eo deut ar modernism, m’eus kuitaet ar feurm hag on aet da biker-mein betek ma retred.

Penaos eo deut c’hoant deoc’h da gontañ istorioù ?

 Evit ur wech toud on bet intereset gant ar gonterien gozh. Kroget on da gontañ er bloavezh 1987 (naontek kant seizh ha pevar-ugent). Ur c’honkour a oa bet gant ar CMB ha kevredigezh ar re Gozh. Gant ur rimadell  ‘moa gounezet ur veaj da Yougoslavi ! FOUGEET OAN BET bet me lar dit!  M’eus ket goune’et  kemend-all ‘baoe gwech ebet.
Alies ‘veze goulennet ganin kontañ  e galleg. Ha tro ar ar bloavezh 1992 oa deut ar soñj din da skrivañ  e galleg. D’ar mare-se oa Lucine Jegat o skrivañ ‘barzh Nekepell, hag hi n’oa skrivet ur artikl bominapl diwar ma fenn ! ha tud AN TI-EMBANN Emgleo Breiz ’noa lennet ’nezhañ   ha neuze neunt goulennet diganin lakaat ma c’hontadennoù e brezhoneg. ME ’MEUS BET UR GEUSTEURENN da skrivañ ’ne e brezhoneg!

Penaos  ‘peus bet desket toud se ?

Me zo bet labourat touesk an dud ‘noa mizer o c’hounit o boued ha gante ‘meus desket kalz. Ha me ma-un meus graet FORZHIG TRAOU hag a bep seurt labourioù, labourer-douar, PIKER-MEIN …hag em eus klevet spontadennoù, troioù-kamm a zo mat da ziskleriañ.

Pevare eo bet skrivet ho levr kentañ ?

 Deus se ‘meus soñj mat !  Sortiet  oa da zevezh ma 75 (pemzek ha tri-ugent) vloaz. Bilzig Kervinaoued oa bet graet ur c’hant dioute galleg war ma gont.