Kontet he deus Geneviève Perquis d’he merc’h un hañvezh he deus paseet e-Kreiz-Breizh pa oa hi “skout“ gant an“Eclaireuses de France“.
Er bloavezh 41 e oamp deut deus Roazhon d’ar Ruskeg e-kreiz an hañv. Un toulladig paotred ha merc’hed yaouank 16 vloaz e oamp deus Roazhon. Bloaz zo, oa bet aloubet Bro Frañs gant an Almanted. Skouted e oamp, met difennet e oa bet ar“skoutism“ gante ’blamour oa bet savet gant Saozon: un tamm “clandestin“ e oamp !
Ur pemzek plac’h bennak, ha ganeomp un nebeut“ cheftaines“, un tammig koshoc’h ’vidomp, merc’hed deus koztez Montroulez . Merc’hed kalonek oa ar re-mañ, rak ne oa ket dizañjer kampiñ ’kreiz ar maezioù. Difennet e oa gant ar “C’hommandantour“deus Kemper AOZAN kampoù-noz ’barzh departamant Penn ar Bed . Ne oa ket dilhad skout ganeomp kennebeut evel-just, ur gartenn eus ar Groaz Ruz (la Croix Rouge) a oa gant pep hini deusoutomp gant aon e teufe an Almanted war hon chouk.
Ar veaj betek sant Herbot
Deut omp gant an tren betek Montroulez, gant an c’harr-boutin betek An Huelgoat ha goude-se betek ar Ruskeg e St Herbot. Boemet e oamp bet gant an dachenn, ar c’hastell kozh, al lenn. ’Kreiz ar menezioù e oamp da vat, ’giz barzh ur vro all.AOTRE OA BET ROET DEOMP gant AR PERC’HENN ’michañs da sevel hon TELTENNOU ’kichen an ti; roet oa bet plouz deomp da gargañ hon sac'h-vatalasenn . Ar beizanted o chom eno oa tud a-feson: ur c’houblad a oa gant ur bugel a gav din hag ar vamm-gozh, houmañ na ouie poz galleg ebet. Amzer lous a oa bet penn da benn ar pemzek devezh ha dav ‘veze memes servij ar soubenn deomp dindan an deltenn! Koulskoude oa bet graet a bep seurt traoù ganeomp...
|
Ar vuhez er c’hamp
En em gaout a raemp asambles 'tal ar”vasque“ vraz e oa ‘kichen ar c'hastell ,'vit komz ha soñjal war buhez ha labour bemdez ar c'hamp.
Al labour ‘veze graet asambles ‘vel veze dalc’hmat ‘touesk ar Skouted, aozañ lein pe koan, ober komisionoù, c’hoarioù ..."jeux de piste“ da vont Roc’h Foc’han ha da Menez Mikael a gav din. D’an oferenn oamp aet da St Herbot, eno meump gwelet bernioù reun deus lost ar saout profet d'ar zant 'vit mirout al loened deus ar c’hleñved ha deus se ‘meus soñj mat ha tud hardi a oa eno gwisket mod ar vro. Paseet oa mat-tre an traoù .
Prenañ a raemp laezh ha vioù digant ar re oa o terc’hel an ti-feurm ha ne’me ket soñj re vat, met me ’gav din ’meump ket bet naon gwech ebet! Bara oa bet graet gante un devezh ’ba’r forn ha digaset neunt un tamm fars deomp ha ni ouiemp ket petra oa se!
Mont da gerc’hat bara a rankemp d' an Huelgoat; div vezemp atav o vont gant hor veloioù da brenañ teir dorz vara bras . Bep tro “en em regalemp“ gant ur grampouezhenn er vourc’h war hent an distro ! Tikeji da brenañ boued oa bet roet deomp gant hon tud.
Ne oa ket brav kempenn AR CHODOURONOU pa raemp boued war an tan : gant ludu veze graet ha gant « sabl »al lenn . Paseal a raemp kalz amzer da gempenn an traoù rak ne oa ket soavon du ken. Tan ha beilhadeg veze graet ganeomp E SKEUD ur wezenn dero bras. Dav oa deomp taol evezh bras gant aon vije gwelet an tan hag ar moged gant UR C’HARR-NIJ bennak, ha ret eo bet deomp mougañ an tan gant hon « cape » pa glevemp un trouz bennak. Ne oa bet gwelet soudard alaman ebet ganeomp ‘pad hon vakañsoù, tro war-dro ar c’herioù bras e oant kentoc’h.
Totemiset oan bet ha “benniget” gant dour AL LENN , “logodenn article 5” oa ma anv skout! ‘Barzh artikl 5 al lezenn skout e oa skrivet”une éclaireuse est l’amie de tous et la soeur de toutes les éclaireuses. « A-raok mont d’ar gêr ha tap an tren abred an deiz war-lerc’h oamp chomet da gousket ‘barzh sal dañs ur bistro ‘ba’n Huelgoad war al leur goad.
Ya, paseet mat oa bet pep tra BETEK PENN!
|
| |
GERIOU DIAES |
|
Aozañ : préparer, organiser.
Aotre oa bet roet deomp : nous avions eu l’autorisation.
Ar perc’henn : le propriétaire.
Teltennoù : des tentes.
O moue : leurs crinières.
Ar choudouronoù : les marmites.
e-keud : à l’ombre de
Ur c’harr-nij : un avion
Al lenn : l’étang
Betek-penn : jusqu’au bout
|
|
