Labourat kalz, gounit nebeut, mervel abred, setu siwazh PLANEDENN miliadoù a labourerien o poaniañ  ‘pad bloavezhiou ‘barzh an abatoarioù e Breizh.
Ma amezeg Soaïg ‘oa unan deusoute. Ganet ‘barzh ur penn-ti, ‘vel un dek bennak deus e vreudeur ha c'hoarezed. Paotr-saout ha DEVEZHOUR eo bet d’an oad a  13 (trizek) vloaz goude-se betek krogiñ da vat ‘barzh an abatoar lazhañ moc'h.

Labourat ‘ba ‘n abaoar

Tost da zaou-ugent vloaz eo padet AR C’HROGAD. Bep mintin, da bemp eur nemet kard, e kleven ar mobilet o tremen  war an hent. Glav, skorn, pe erc'h, morse ne vanke war e zevezh labour.
Brudet e oa  e-touesk e gensorted da vezañ UR MAILH war ar gontell ha TUAPL da lemmañ e hini ha re all ar chadenn. Ar « chadenn » a groge gant he zroioù didruez da bemp eur rik ha ne oa EHAN ebet araok un eur.
Alies ‘vize red labourat un tamm ouzhpenn, d'ar gwener pe pa vize muioc'h a c'houlenn war ar c'hig moc'h. Tro nav-eur ‘vize un tamm DISKROG da zizourañ ha da danañ ur « gitan-maïs ».
Diouzhtu kuitaet ar botou-gwenn ha renket kontell ha chupenn, A-RAMP war ar mobilet da bakañ ur banne gwin ruz ha da brenañ un tamm bara. Ha yeo da fardañ lein d’e di bihan war vord an hent a-raok mont d’e jardin pe d'ober un droiad chase pa veze an devezh-digor. Morse na glemme, na deus e bae, na deus al labour.