Ne vo ket pell e vo UR REDADEG war droad e Breizh evit brudañ ar brezhoneg. Kregiñ a raio ar jeu d’an 30 a viz Ebrel betek an 3 a viz Mae 2008, noz ha deiz! Savet eo bet un tamm e-giz gouel bras ar C’horika e Bro Euzkadi.
Da hanternoz e vo kroget ganti e Naoned ha mont a raio an dud war-zu Gwened, Kemper, Brest, Gwengamp ha da echuiñ e tigoue’o ’ba’ Karaez . Eno ’vo ur gouel bras evit 30 vloaz Diwan. 600 km a zo etre ker An Naoned ha Karaez!
Evit petra “A di da di“?
Ar redadeg "A di da di" zo bet lakaet war-sav evit bodañ ur bern tud en-dro d'ar brezhoneg hag evit dastum arc'hant evit ar brezhoneg . Gall’ a ra forzh piv kemer perzh. 100 € e vez gwerzhet kement kilometrad d’UN EMBREGEREZH, kevredigezh, artizan pe hiniennoù. Droad ‘neus forzh piv da redek ivez hep paeañ pe reiñ ur gwenneg bennak ma ‘neus c’hoant. UR REDADEG A-EILLEK e vo. Un hiviz ruz a vo gant ar reder e penn ha gantañ e vo AR VAZH TEST. Ar rederien all a sikouro ’neoñ ’vo un hiviz orañjez gante (gwerzhet 7€50). |
Fest-deiz, muzik, teatr...
Abadennoù a bep-seurt (predoù, festoù-deiz, abadennoù c'hoariva) a vo aozet war hent ar redadeg e kement kêr a vo tu. Mont a raio an arc'hant rastellet gant an dud o do aozet an abadenn.
Graet ‘vo bruderezh evit an embregerezhioù ‘pad ar redadeg ivez evel-just. Ur c'harr-tan a vo dirak ar rederien, un all a-dreñv.
C’hwec’h TROC’HAD-HENT a zo graet: Deus Naoned da Redon ;deus Redon da Wened ; deus Gwened d'an Henbont ; deus An Henbont da Gemperle ; deus Kemperle da Vrieg ;deus Brieg da Zaoulaz ; deusDaoulaz da Vontroulez ;deus Montroulez da Gawan ;deus Kawan da Blijidi ha deus Plijidi da Garaez.
Troc’had-hent Plijidi-Karaez a zo bet graet peder lodenn ganti : Plijidi -St Norgan/
St Norgan - St Servez/ St Servez - Mel-Karaez/ Mel-Karaez - Karaez
Sikour a vo ezhomm sur ‘walc’h war vord an hent… da zerc’hel ostaleri.... Deuit niverus da ganañ, dañsal ha da ROIN KALON d’ar rederien! Bec'h dei’ gant ar redadeg !
Ma peus c’hoant goût muioc’h : pellgomzit da Monique Gentil 02 96 29 62 04
Postel : monique.gentil@club-internet.fr
http://arredadeg.free.fr
|
| |
GERIOU DIAES |
|
brudañ : faire connaître, faire la promotion de
Ar redadeg : la course
Un embregezh : une entreprise
Hinienn(où) :individu
Ur redadeg a-eillek : une course de relais
Ar vazh test : le baton-témoin
Un troc’had hent : un tronçon de route
Roiñ kalon : encourager |
|
