Ma taolit evezh 'n ur dremen 'tal- kichen ul lenn, gant un tamm chans e welfet laboused teñval O FLUNV bihanoc'h evit UN HOUAD gant ur beg ruz : yer dour int. Diwallit ! an disterañ trouz hag e vezont spontet..
Peseurt stumm'zo gant al laboused-se ?
Etre 32 ha35 santimetr eo o ment. 350gram bennak pouezh a zo gant ar yar zour, ar par 'zo 'veljust un tammig muioc'h a bouez ennañ.
Griz-du eo o fluñv dezho.Ul linenn plu gwenn, a bep tu d'o c'horf, 'zo hanter guzhet gant o divaskell. Pluñv gwenn vez gwelet ivez war beg o revr.
Souezhus eo beg ar yar-zour, ruz flamm eo ha penn ar beg 'zo melen ha lemm.
Pavioù bras hag o bizied hir 'ro kalz nerzh dezho war an dour.O bizied n'int ket KENSTAGET etrezo 'giz re un houad.
Penaos e vev ar yer-dour ?
Ne blij ket dezho mod ebet boud direnket, diouzhtu ez eont da skoachañ e-touez ar yeot war bord ar ster.Gwelloc'h eo gante bevañ hanter guzhet e-touez ar yeotennoù.Gouzout a reont SPLUJAL mat 'vit tap o boued b'ar ster o fenn en dour o revr gwenn d'an nec'h. Debriñ 'reont AMPREVANED bihan, buzhug, yeotennoù a bep seurt en dour ha war an douar.
Gouest int da nijal GANT TIZH ha pell amzer. Ur yar-zour 'vev pemzek bloaz bennak.
Hag ar re vihan?
An tad hag ar vamm a chom asambles o vuhez pad betek ma varvfe unan deusoute.Ar barez A ZOV teir pe peder gwech er bloavezh, etre miz Ebrel hag miz Gwengolo tost deus ar ster, e-touez ar yeotennoù. Beteg eizh vi a vez barzh an neizh.
