Anjela Duval  
An Oaled paour

An Oaled paour

 

— En santout a ran ! Hep ar spered a baourentez, hor buhez ne vije ket bet anezhi,

hor bezoud priedel a vije marv. Ar spered a baourentez zo evel al laezh a roi d’az

mibien.

— A betra e vevjemp-ni, va fried-me, ma ne vijemp ket paour ?

— Penaos e vagjemp-ni hor C’harantez ma n’hor bije ket, evit biken, en hor C’halon, ar

baourentez peurfonn-se ?

— Hep ar spered a baourentez, o maouez, nag e vijemp bet paour e gwirionez !

— Du-mań na c’houzańvi ket a lubanerezh, na c’houzańvi ket gwastadur ar

soubladurioů.

— Va-unan ’vezin ouzh da azeuliń. Ha da azeuliń a rin e sioulded va buhez-pad.

— Du-mań an holl draoů ’vezo plijus, pep pezh arrebeuri, pep tamm moger, pep

maread amzer, pep sell ha pep sońj dre ma tougint holl ar sakradurezh. Pep tra ’vezo

gwerc’h, pep tra paour.

— Deus ma veizez priz divent ar baourentez. Deus m’En deus graet Doue ac’hanout

gouest da veizout al levenez.

— Kenunvaniadur hor buhezioů hag hon Oaled. Kenunvaniadur hon oaled hag an dud.

Kenunvaniadur an dud ha Doue hag ar Grouadelezh. Deus maouez, krouadurez ha

krouerez.

— Paouez da vezań te da-unan evit bezout. Hag e trec’hi rak neuze e vezi muioc’h

egedout da-unan. Bez’ e vi te-ha-me.

— Te ! Karout a rez bezań va fried ? Karout a rez dont ganin da grouiń dimp ur Boud

hag a vezo te-ha-me ? Asantiń ’rez dont da gemer ur vuhez nevez a vezo da hini ha va

hini ?

— Deus, ma n’ac’h eus ket doan rak karout. Deus, ma out laouen o vervel evit ma savo

ur wezenn diwar da zismantr.

— Paouez da vevań, paouez da ’n em vagań, paouez da darlammat. Leugn da skevent

a roidigezh evel dialanadurioů ur marv mennet. Ha deus… ur mousc’hoarzh war da

ziweuz.

— Deus da zegemer pok da vezoud nevez. Deus da gavout a-nevez em daoulagad da

bersonelezh. Deus da zegemer eus va daouarn, da galon o talmiń, da bersonelezh

peurbadel.

— Ret eo ma vevfe an eil evit egile ’n ur en em reiń ar haelded leun, hag ar fiziańs

didermen.

— Deus, dreist-holl mar karez ar baourentez. Ma asantez degemer un Oaled dibourc’h,

gwisket gant gwrez ha levenez.

 

[Here 1965]

Diwar Ramon Soley Ceto.

 

"Pierre Dubourg evit e film diwar-benn ""Les mystčres de la terre"" (1976)"
 
Degemer |  Troidigezhioů |  Anjela Duval hiziv
  © Anjela Duval - Pep gwir miret strizh evit an holl vroioů