D’un dańserez du

 

N’az poa ket c’hoazh c’hwezek vloaz

Te hag a deue, emezout, eus an Dakanil

Hag he ’veze gwalc’het a anizetez ha wisky

Gant ar re wenn fallakr

E-barzh an ti-koroll mogedet-se

E Kasablanka.

 

Da boan ha da hiraezh

’Oa anavezet

Gant an holl oriaded,

Gant ar voraerien aze oc’h ambregań

Gant ar soudarded e końje

Gant an ergezherien vak

O deus brevet dit da vrennid du

Gant o enoe ec’hon a veajourien.

An Tadoů visionerien

Hag ar bobl landore

O deus klasket gwechoů da frealziń

Met te oar, te da-unan

Merc’h vihan an Dakanil

Kollet e ti-koroll mogedet

Kasablanka

Penaos da galon

Addigoro d’an Eurded

Er beureoů nevez

A soubo da zezerzh genidik

Pa retorni da zańsal,

Evit da Harozed marv

Evit da Harozed bev,

Evit da Harozed da c’henel.

 

Diwar Camille Roussan.