Gwinienn an Aotrou

 

Niverus ar re zo aet da winienn Doue

Hep termal na bout ret o fediń

Pouezatet o deus ar blokad. Azezet int.

Debret o deus ar vouedenn hag ar splus.

 

Lakaet o deus o dorn war ar skourroł

Torret ar brińsoł ha sunet ar rezin

Savet int hag int mezv, evit ruilhal er skoasell

Troc’het o deus an troad-gwini a stouve an hent

 

Astennet o deus c’hoazh o daouarn

Naon o doa bepred, ha peg oa o muzelloł gant ar sec’hed war ur vabouzenn c’hwerv.

Hag ar sec’hed a dache dezho ivez o c’horzailhenn gant drein lemm.

 

Ya, niverus oa ar re zo deut da winienn an Aotrou.

Met piv en deus plantet an troad ?

Piv en deus gedet ar brońs ?

Ha pehini en deus beilhet war ar c’harenn vresk ?

Bevet ar wrizienn ha harpet ar vleuńvenn ?

 

Pe te ’gousk. Pe te ’veilh ar gwiniennour a ra war-dro d’ar momed a zo ezhomm.

Eń eo a imboud, hag a ven d’ar sezon wellań.

Neuze an Neńv a abeur hag an Heol a darev.

 

Dont a ray d’e winienn un abardaez kaer a Wengolo.

Klask a ray ar vendemerien a zo kousket en doufez evel saout mezv.

Klask a ray ar blokad glas dindan revenn wenn ar goell.

Gwelout a ray an dismantr, ar skod-gwini drailhet.

Klevout a ray ronkell ha breugeuz ar re vezv, ha klemm o muńsunoł skalfet.

 

Ha kavout a ray ur c’hreunenn da gas d’e chenoł ?…

 

13 a viz Mae 1976,

diwar Marcelle Delpastre.