Gwerz ar Fontenell

 

       I

— Mamm ! me ’glev ar c’hleier o son

’Vit hor buhez peseurt dańjer ?

— Ar Fontenell e Lannuon

Ar Fontenell a lazh, a laer.

        II

— Mamm ! Klevout ’ran dasson ur glaz

Peseurt glac’har zo c’hoarvezet ?

— Ar Fontenell e Pont-e-kroaz

Ar gwad a red a-hed ar straed.

        III

— Mamm ! A bep tu an dud a ouel

En Iliz e peder. Siwazh !

— ’Mań e Penmarc’h ar Fontenell

Ar Fontenell a laer, a lazh…

        IV

— Mamm ! me ’wel du-hont flammoů bras

Garmoů a spont a rog an aer

— Ar Fontenell zo e Daoulas

Ar Fontenell a lazh, a laer

        V

— Gant Fontenell a oa karet

Mezarnon ar goantenn dener

— Karantez aner ma n’hell ket

Dońvaat ur galon griz ha taer…

    Eil lodenn

        VI

— Mamm ! kan zo en Enez Trestan

Eus laerońsi n’eus ket a gel

— Du-hont ivez ’meur o kanań

E prizonioů ar Fontenell.

        VII

— Mamm ! pegen sklaer eo Koadlezań

Petra ’glask Fontenell du-hont

— Fontenell ’n ’eus kavet ’michańs

Repu ’ti Vari Mezarnon

        VIII

— Mamm ! me ’wel o tont soudarded

Da liammań ar Fontenell.

Dambrest e bev ’vo diframmet

An torfetour bras Fontenell…

        IX

— Mamm ! Sed o ouelań ar goantenn

Mari Mezarnon d’he fried

Penn Fontenell war he barlenn

’N ur Relegouer alaouret…

        X

— Aet da anaon ar Fontenell

Mari Mezarnon intańvez

— Klev o son kleier Breizh-Izel

Ar Peoc’h dre-holl ! O Levenez !

 

2 a viz Meurzh 1971,

diwar Jean Bluteau.