Anjela Duval  
Bro-Indez

Bro-Indez ! pe Bro-Vreizh ?

 

— O Tad ! Ra zihuno va Bro

Hec’h Ene dieubet a bep doan

Uhel he fenn.

E Frankiz an anaoudegezh

Hag en ur Bed ne vo ket bet strishaet

Gant kaelioù ar Vuhez danvezel

Ur Bed m’eo ennañ ar gomz : gwirionez

M’eo ennañ ar Peurvad

Pal e strivoù difaezhus.

Ur Bed ma n’eo ket kollet ennañ

Ster treuzwelus ar meiz e-touez traezh-gouelec’h ar boazioù marv

Ur Bed, o Tad ! e-lec’h ma renez Te da-unan

Ar Spered trema oberoù ha meizoù bepred frankoc’h.

    Trema gwenved ar Frankiz.

 

[Genver 1969]

Diwar Rabindranath Tagore.

 

War-dro ar saout.
 
Degemer |  Troidigezhioù |  Anjela Duval hiziv
  © Anjela Duval - Pep gwir miret strizh evit an holl vroioù