Kanaouenn-bobl a Vro-Gambodj

 

— M’ho ped arc’houereoù bihan

Ha c’hwi ar re vras, m’ho ped

Teurvezet eus lein ar menez

Diskenn, da ’n em laouenaat.

Enaouiñ ’ran ur gantol

Hag he lakan war an aoter

Hag e pedan an arc’houereoù da zont

Da ’n em laouenaat.

Ra deuy bepred Arc’houere ar Garantez

An denerded, ar Garantez

Ra deurvezo dont prim

Ra ne c’houlennint ket sellout ouzh ar wezeg

Na chom d’arvestiñ ouzh skeud

Ur wezenn.

O fediñ a ran da zont

Ha kemer furmoù denel

An arek a zo rouez ha rouez ar Betel

Pediñ ’ran an Arc’houereoù da ’n em ziskouez

Tal-ouzh-tal ganeomp.

Ho stagañ a reer gant ur gordenn ? He zroc’hit

Gant ur gordenn kole-gouez ? He distagit.

Ar c’hleñved a baouezo

Adalek an deiz-se.

 

3 a viz Genver 1969