Son ar wreg yaouank

 

Setu ni deut amañ. Ha graet hir hent d’ho kwelet

Deut da lidañ gant joa. An deiz kaer-mañ hoc’h eured

Deoc’h c’hwi ha d’ho Pried : Levenez ha yec’hed !

 

Hag intentet hoc’h eus. Pezh a lâras ar beleg ?

En disklêriet en deus : ’Tle atav ar wreg nevez

Bout doujus d’he Fried. Hag en karout bepred.

 

Gwreg a lavar Pried. Lâr Mestr an aliesañ

Rak morse n’int ken dous : ’Vel m’o deus graet promesa :

Bout bepred hegarat. Ha dous o Buhez-pad.

 

Itron ar Wreg yaouank. Echu ’vidoc’h an dañsoù

C’hwi n’eot mui d’ar bal. Na mui d’an asambleoù

C’hwi a chomo dalc’hmat. Er gêr da luskellat

 

Sellit ar Boked-mañ. Gant tri seurt plant kompozet

Deoc’h-c’hwi e ginnigan. M’ho ped e yezh intentet

Eñ ’lâr an enorioù. A dremen ’vel bleunioù.

 

Deoc’h c’hoazh ar wastell-mañ. Gant va bizied meret.

Lezenn ar Vuhez-mañ. A zo enni arouezet :

Poaniañ ha gouzañv pell. Hag en diwezh mervel.

 

Met hor menoz n’eo ket. Ledañ an dristidigezh

Rak devezh an Eured. Zo devezh a levenez.

Ni ’ta holl asambles. A het deoc’h hir vuhez

Eus a greiz hor c’halon. Ha karantez wirion.

 

23 a viz Du 1968