Ar beure kentań

 

       I

Va dousig koant poent eo sevel

Setu an deiz en em gavet

’Us d’ar maez an Heol zo uhel

’Barzh ar beure alaouret

Teir gwech ar c’hilhog a-bouez-penn

’Deus kanet an dihuniń.

Digor da sell d’ar sklęrijenn

Mousc’hoarzh eürus en da di.

        II

Ar voualc’h du er bodad drez

A c’hwitell dimp he salud

An durzhunell a sav he mouezh

Eus kreiz ar c’hoad ’lec’h ma klud

Selaou pedenn an alc’houeder

Diouzh an neńv glas o kouezhań

Va dousig koant, sell pegen kaer

Eo dimp hor beure kentań

        III

Ar saout a sach war o chadenn

Dirak ar rastell c’houllo

Me zo ’vont da gerc’hat dę foenn

’Keit-se te o goroio.

Er marchosi, ar gazeg wenn

A c’houll he c’herc’h hep dale

Hag er c’hraou bras an daou ejen

Gwelout ac’hanout ’garfe.

        IV

Dec’h vintin hon eus tremenet

Dirak an Aotrou Person

Ar c’hleier bras o deus sonet

D’embanniń mouezh hor c’halon.

Hiziv etre da vizied

’Mań eürusted va buhez

Va dousig koant ha va fried

Te zo va holl garantez !

 

[1968] Diwar Lusian Loarer.