Trugarez

Trugarez ha Bennozh

Deoc’h a lâran va C’hrouer

Evit grasoů ar bloaz 80

Ho pediń a ran Aotrou

D’ober ur sell a druez ouzhin

Roet din m’ho ped muioc’h a nerzh

Muioc’h a yec’hed, a gorf hag a spered

Roet din pasianted da c’houzańv

Hag esperańs en dazont

Dazont va Bro, va lignez

Dazont yaouankiz Breizh

Kollet gante an Tramontane

Parit dirak o daoulagad

Steredenn ar Feiz, ar spi

Ar garantez wirion.

Na sellit ket re bizh ouzh pec’hed

Ar Bed, na pec’hed pep hini

Gouzout a rit eo gwan an den

Hag eń o sońjal eo kreńv

Ha barrek d’ober e Hent

Hep ho skoazell. Siwazh

Adalek ma tiskrogit eus e zorn (?)

Emań o teukań, o kouezhań

O ’n em labezań. Krist

Na zilezit ket an Den C’hwi

Oc’h eus roet ho puhez

Evit hen daspren

Amen