Diwar follennoù distag
Anjela Duval
 
Evel-se ’mañ

Evel-se ’mañ

Oaned kaezh kouezhet

Etre skilfoù ar bleizi

N’edo ket ganeoc’h koulskoude

A wad war ho pavioù

Met debron ho poa

Hag edoc’h aet da ’n em frotañ

Ouzh savadurioù ar Gall

Hag hoc’h eus o diskaret

Hag eñ da lezel warnoc’h

E vagad bleizi kounnaret

Ha bremañ ?

Ne chom gant an Oaned

Nemet mont da beuriñ

E liorzh an Elysée

Etre —(?) Diskrab

 

Santez Anna venniget

Mamm-gozh ar C’hrist Doue

Santez Anna ken doujet

Mamm-gozh ar Vretoned

Gwarantit ho pugale

’Deus laket en arvar

O frankiz hag o buhez

Evit difenn o douar

Hiziv p’emañ ho pardon

Selaouit hor Pedenn

Roit dimp c’hoazh nerzh-kalon

Da gas hon Erv da benn.

 

"Gant Anne Marine (evit an abadenn ""Escales"")"

 
 
Degemer |  Diwar follennoù distag |  Anjela Duval hiziv
  © Anjela Duval - Pep gwir miret strizh evit an holl vroioù