Diwar follennoù distag
Anjela Duval
 
A-hed an deiz

A-hed an deiz

A-hed an deiz am eus lorgnet

Tramailhet dour ha fank

C’hwezet ha krenet

Ha goret an ivinrev.

A-hed an deiz on bet ur sklav

Sklav ur mestr kriz : al labour forset

Al labour bemdez kaletoc’h

D’am nerzh o wanaat

Met gounezet am eus va devezh

Peoc’h un devezh leuniet klok

Ha da dek eur noz echu pep trevell

’N em dennan em palez.

 

"O welat he falc'h (1968). "" Ul labour gwaz eo. Ret eo din en ober peogwir on ma-unan. """

 
 
Degemer |  Diwar follennoù distag |  Anjela Duval hiziv
  © Anjela Duval - Pep gwir miret strizh evit an holl vroioù