Troennet ha kildroennet

Troennet ha kildroennet

E faltazi ar gorventenn

Hadennig askol o pourmen en ebr

Adplanedennig stag he flanedenn

Ouzh he meni harzlamm ’vit un treizh turmudek

Kouezhet en diwezh en douar-mañ krin

Pell out bet oc’h eginañ

Ha gorrek out savet a-douez ar vein ruilh

E brizhheol ar spern du ar brug hag ar brulu

Mac’het ha flastret out bet gant tropelloù marnaoniet

En desped d’az mil draen,

Padal gant poanial ha termal

Ha marteze pediñ, piv ’oar ?

Ma ! sed te deut a-benn

Da sevel uhel da benn

Ha da vleuniañ ’velkent

’Vel nep rummad da ouenn