Ken dous

Ken dous hag ar mel

Eo ar gomz war da vuzell

Ken mistr hag an heizez

E taolez troad en douar

Da gerzhed zo dispar

Hañval ouzh ur Rouanez.

 

Da vousc’hoarzh zo ken flour

Da c’hoarzh ’vel hiboud an dour

Da lagad zo ken lirzhin

Da vlev melen ’vel re un ael

Ha rodellek ’vel re un ael

Ha da zivjod zo ken livrin

Hag ar roz-ki eus ar mintin.

 

Da c’houg hebleg a zo ken gwenn

Ha delioù-bleuñv al lilienn

Evel perlez eo da zentigoù

’Vel pabu-Mae da vuzelloù.