Diwar follennoł distag
Anjela Duval
 
10 eur

10 eur

10 eur ! Da eur Jiskar

8 eur d’an Heol.

Noz eo a-boan.

A-boan… Sell ’ta

Perak eo deut ar ger-se

War veg va c’hreion ?

A-boan. Ya, poan…

A ! ar ger-se : poan

Va heuilhet en deus bemdez

War-bouez nebeut

Poan gorf pe poan spered

Zo bet ken lies va lod.

(Lod pep den moarvat)

Evel gopr ar Vuhez eo.

 

Hiziv emaon savet ur bazenn

E skeul an amzer

E skeul ar bloavezhioł

Ar bemzekvet ha tri-ugent

Ya da ! savet a lāront

« La vie montante » emezo

Diskenn eo a ran gwelapl

Stouiń un tamm muioc’h

Bemdez war-zu ar bez

Tostaat d’ar gźr, eme Yann.

 

An deiz-mań tri a viz Ebrel

’Oan deut war Douar Breizh-Izel

En noz-mań etre an dri hag ar bevar

’Oa aet va zad d’ar Bed all.

Doue da reiń Joa d’e anaon.

Eizh vloaz ha tregont zo abaoe.

 

Un nebeud mignoned o deus bet koun

Ur stourmer kozh hag ur stourmer yaouank

Ur vignonez a bell-bro.

Hetoł ha Profoł. Balzam d’ar galon

Er studier.

A, Doue meur an neńv

Nag eo ponner samm ar gozhni

samm ar bloavezhioł

Nag eo ponner samm an nammoł

Hag ur glac’har disiritań

Ha gwelout o tisiritań

Kement tra zo bet Levenez,

Kement tra zo bet Kened.

O gwelout o treiń da fraost

E riskl da vout preizh ar bultur

— Doue ra viro —

Bev eo c’hoazh em c’hreiz

Feiz ho tadoł kozh

Ha karantez divuzul Douar Breizh.

 

 

Tud o tont da Draoń-an-Dour war lec'h an abadenn skinwel gant André Voisin

 
 
Degemer |  Diwar follennoł distag |  Anjela Duval hiziv
  © Anjela Duval - Pep gwir miret strizh evit an holl vroioł