Diwar follennoù distag
Anjela Duval
 
Bemdez kañvioù

Bemdez kañvioù

Bremañ va breur-mager

Savet ’oamp gant an hevelep laezh.

Pa oas ganet gant da vreur-gevell

’Oa deut ho tad da erbediñ va mamm

Da ziouerout deoc’h va magerez

Peogwir ’oan dija unnek miz

Dre druez kristen ’oa roet ar c’havrig.

Un doare kerentiezh ’oa ’ta etrezomp.

Jozefig ’oa marvet paotr yaouank

Ha Sebastian aet er-maez ar Vro

Distro pell zo ’vel pep Breizhad mat

Da barrez e gavell e-touez e gerent.

Bremañ e kousk e douar ar Vered

E skeud an Iliz kozh m’eo bet enni badezet

Ma omp bet asambles war bankoù ar c’hatekiz

M’eo bet badezet enni e vab nemetañ.

Doue d’az pardono Sebastian

    Joa d’az Ene e Baradoz Doue.

        Da viken. Amen.

 

Loened ar feurm.

 
 
Degemer |  Diwar follennoù distag |  Anjela Duval hiziv
  © Anjela Duval - Pep gwir miret strizh evit an holl vroioù