Pedenn da sant Padrig

Hiziv p’emañ ho kouel

Sant Padrig benniget

Eo aotreet me ’gred

Goulenn diganeoc’h skoazell

Ar mor-se anvet mor Breizh

M’hoc’h eus warnañ bageet

Graet ken lies a dreizh

Gwelit e zour kousiet,

’Ket o treizhañ kristenien

Gant tonennoù eoul-maen.

C’hoar eo Breizh da Iwerzhon

M’oc’h dezhi sant Patron

Hi fenoz e levenez

Daoust d’he c’hudennoù kriz

Met Breizh a zo en enkrez.

Padrig sikourit-ni

Dazont ar besketaerien

Zo lakaet en argoll

Dindan ar gwiskad eoul-maen

Ar pesked ’varvo holl

Sant Padrig ho pet truez

Eus al labourerien-vor

Grit ma tec’ho al lastez

Trema kein an donvor.

 

Un dra c’hoazh o sant doujet

Breizh a-bezh zo nec’het

Gant an dibab zo d’ober

’Vit gelvel kannaded :

Padrig patron Iwerzhon

Iwerzhon c’hoar da Vreizh

Breizh hiziv klañv he c’halon

Hag en teñvalded he meiz

Gant Bro-C’hall bet lubanet

Trelatet dezhi he spered

’Oar mui war be tu mont.