Diwar follennoù distag
Anjela Duval
 
Ar c’hazh a hun (1)

Ar c’hazh a hun (1)

Biroù ha broudoù ar boan

A vir ouzhin an hun

Gwaskoù an enkrez

A vir ouzhin an hunvre

Hag ar bedenn… Padal

Trouzigoù an noz a zastroc’h va enoe :

Strakadennoù munut an etivi en oaled.

Oeñsoù mibin ar glav

O stekiñ ouzh gwer ar prenestr

Boud an avel en ivinenn rividik

Froñj ur c’harr-nij e gwaremm ar stered

Morzhol an horolaj o c’hoveliañ an Eur

War annez an Amzer.

Ha… Koroll al logod er c’hrignol

Tra ma rouzmouz ar c’hazh rouz damgousket

Kollet ’n e hun ha ’n e huñvre

E spered o redek war-lerc’h e garedig

Ar gazhez

 

Loened ar feurm.

 
 
Degemer |  Diwar follennoù distag |  Anjela Duval hiziv
  © Anjela Duval - Pep gwir miret strizh evit an holl vroioù