Linennoù ar stourm

Linennoù ar stourm

Linennoù ar c’hilstourm

Ramz gwenn ar Stormount

Skilfoù krozus Carson

Ur parlamant protestant

Ur bobl protestant.

 

Ar major an dra-mañ, ar c’habiten an dra-se,

Hag ar Jeneral netra.

Dremm garantek an distervez

Hegaset dirak he skeudenn dameuc’het

Bigoderezh he mouezh tarv :

An urzh o tiflukañ eus ar Barzhoneg aloubet

gant garmadennoù

An Eneberezh

Glac’har ur Bobl.

Dremm dichipot ur Plac’h Yaouank

O stourm ’enep dorn marv an Istor.

Ur banniel glas displeget ’us d’ur Vro dismantret

Ur bulldozer melen o verniañ an atredoù

Ul labouradeg trouzus…

Ur burev kouraterezh madoù diloc’h.

Ar c’hasonioù siellet e diabarzh

Koloennoù yec’hedus ha temzamzeret.