Advokad ar Beorien

C’hwi Aotrou Sant Erwan

Ken galloudus eus an Neñv

Evel m’edoc’h bet war an Douar

M’ho ped fenoz gant fiziañs

Taolit ur sell a druez war hon tamallidi

Emaint du-hont, seizh eus bugale Breizh

Seizh stourmer kalonek

Kaset dirak lez-varn ar Stad

Evit bout re garet o Bro.

Mizioù ha mizioù int bet bac’het

Gant ar polis gall.

Da c’hortoz barnedigezh ar C’hallaoued

Aotrou Sant Erwan bezet o advokad

C’hwi hoc’h eus bet ivez difennet

Gwirioù hor Bro enep d’ar galloud gall.