Advleuniań

 

            D’am roz ha d’am lili

            D’am bleuńv glas o weńviń

Em liorzh skarinet gant skarnil an doan

Em ene gwallvroudet gant kribin ar boan

’M eus furchet, ’m eus fojet, ’m eus klasket gant Spi

Un enezenn damc’hlas, ur berad dour boull

N’am eus kavet siwazh, siwazh ’met ur poull

’Met ur poull dour c’hwero, ul lennig dour sall

Ar perlez marc’had-mat bet skuilhet gwechall

Eus seurt ma vez skuilhet war hunvreoů brell

Eus seurt ma vez skuilhet war c’hoantoů diboell

Hag ar menozioů manet da seveniń…

— Gant dour sall m’he douran, bleuniań ’rafe c’hoazh

Ha hi hanter weńvet : va bleuennig c’hlas ?

Ha bleuniań ’rafe c’hoazh e liorzh ar Spi

                        Va roz ha va lili ?

— Mui ! ’Met lann ha brug,

                                   Ha netra mui…

 

14 a viz Gwengolo 1965, Gouel ar Groaz