An uhelvarr « doug-eurvad »

 

(Eost an uhelvarr en Traoń-an-Dour gant ar berc’hennez hag ur mousig)

 

                        I

An uhelvarr e-barzh Bro-C’hall.

Amzer gozh an Drouized gwechall.

Gant ur falz aour ’vije troc’het.

War pallennoů gwenn dastumet.

                        II

Du-mań n’eus ket a filzier aour ;

Dichonket ’vez ’n tokadoů paour

Gant Fańchig, pignet d’o c’herc’hat

D’o c’hinnig evel « doug-eurvad ».

                        III

’Bouez ur fiselenn a diskenn

An tokad din ’barzh ma barlenn,

Gant doan da vreviń e zelioů

Ha dishilh e berlezennoů.

                        IV

Ha dao bremań d’un tokad all

— Oc’holla ’vat ! Ar we’enn a vrall ?

— Ya, Fańchig. Diwall da gouezhań !

— O ! Bet dinec’h ! Me zo ’r paotr skańv !

                        V

Ha neuze ’ya Fańchig en hent

Gant e vokedoů a bep ment

War ur vazh hir ’dreuz e zivskoaz

E-giz d’un « Douger-dour chinois ».

                        VI

Ya Fańch hast buan mont en kęr ;

Noz an Nedeleg zo emberr.

Hag an Itronezed te ’oar ?

A zo ’c’hortoz o uhelvarr.

                        VII

Bet ez eo mat e dammig tro :

Bet ’n deus gwerzh-butun, madigo.

’N ur retorn seder ha laouen

E kan din un tamm Nouelenn

                        VIII

En Itronezed, ’me’ań, ’oa stad

Pedet on d’ho trugarekaat

Nemet n’o deus ket bet o gwalc’h

N’am boa na hanter na trawalc’h

                        IX

Hag ar Mabig Jezuz ? Fańchig

Bet ac’h eus sońj eus e graouig ?

O ya ! ’Vel just an tamm kaerań

Am boa dibabet evitań !

 

Ar C’hozhvarc’had, Nedeleg 1960