Anjela Duval  
Danvez Bleuńv

Danvez Bleuńv

 

— Bodenn spern-du lavar din-me

Pelec’h ’c’h eus kavet-te danvez

D’aozań da vleuńv gwenn ha skańv ?

            — Arboellet ’m boa ’pad ar goańv,

            Fulennoů erc’h kouezh’ em c’herc’henn

            Ha d’o gwriat neudoů rev gwenn.

— Balan aour lavar ivez,

Da vleuńv-te zo en pe danvez ?

            — Drailhennoů int, ha netra ken

            Eus mantell aour ar Prińs melen…

— Brugoů uvel bleunioů va Bro

Lavarit din bremań d’ho tro

E pelec’h ’prenit ho tanvez

Gant ho pleuńv eo ruz ar menez.

            —Ni ’sav war dosenn Runavin

            Ni ’skrap pallennoů ar mintin

            N’eo ket danvez ’ray diouer dimp

            Da fardań bleuńv ’r pezh a garimp…

— Ha te radenenn an douflez

Te n’ac’h eus kavet tamm danvez

            — D’am danvez bleuńv n’am eus tamm keuz

            Va delioů zo ken koant ha bleuńv.

 

18 a viz Mae 1965

 

Anjela da bemzek vloaz, o tougen ar c'hoef evit ar wech kentań (1920).
 
Degemer |  Roll ar barzhonegoů |  Anjela Duval hiziv
  © Anjela Duval - Pep gwir miret strizh evit an holl vroioů