Ar stourmad elfennel

 

An tan ’michańs ’n deus dilezet e wenn ruz

An dour e sae liv d’an amzer

O ’n em vriata dindan an douar kalet

Ez int en em speriet o ’n em gannań

’Vit ma tarzho eus ar goulaou disked

Un avoultrenn en oabl an nevez-hańv

Korf koabrennet mellek ’vel ur menez

Torr ma toull an evn ma tigor an aezhenn

An hańv a zianal en e skevent divent

An heol meur a vildorr e mil noz

Follez a loarioů glas, a sterennoů teńval

En hec’h istradoů, e zremm a zaouhanter

Glas an oabl e hun al lenn

Ma c’hoari ur stivell hag he hiboud

E groc’hier-se a vuhez a astarzhoů didrouz

Gant un hunvre dourel a zasorc’h ar barroů.

Eń kurunet a beoc’h hag a c’hlazur

Eń, levenezenn a laboused eń gwenn a vleuńv

Eń maget a zroukrańs ha kreńv a horos

Ma pad ennań ar stourmad elfennel

Ar c’hef garv e pikern e dourell

A steu e skoulmoů, e firc’hier, e weadoů

Hag o ’n em vountań a dorr da dorr

A zalc’h trec’hus, en ijin, savadur

’Vit kousket e razarc’h e liv

An tan m’eo graet ’vel ’n o hini

An den o tiwadań, hag an heol o vervel.