Traouigoů dudius

 

— Un oan bihan o taskiriat, damserr e lagadigoů, en e c’hourvez eus kostez e vamm.

— Houidi bihan war ur poull ; hańval diouzh c’hoarielloů bugale.

— Ul labous-ki, a seblant kousket-marv, o kregiń da c’hrougnal dre e hun.

— C’hwirinadenn gentań un ebeul bihan.

— Ur gazhez du, tamolodet en heol o paterat d’he c’hazhig gwenn o tenań.

— War un oabl glaswenn, skourrig hebleg ur saprenn damzu o vrańsellat ur vran.

— Da goulz an neizhoů :

War un hent-karr daou rouzegan. Ar par, c’hwezhet e bluńv, o tańsal hag oc’h ober orbidoů dirak e barez.

— Ul labousig-yar nevez-digloret o skrabań hag o tennań eus an douar ur vuzhugennig, o redek kuit ganti, e vreudeurigoů war e lerc’h o klask laerezh dezhań e breizh.

— Ur c’hi bihan kousket war chupenn e vestr e penn an erv.

— Ur gwińver o krignat un aval-pin, azezet ken fentus war ur skourr. En-dro deoc’h frond an turkantin.

— Rod vras ur vilin o valań dour a dro da eon ken gwenn ha bleud gwinizh.

— Ur mell kevnidenn o krapań gant ur voger wenn un nozvezh m’emaoc’h kollet en ho sońjoů du. N’oc’h tamm ebet brizhkredennour. Padal un elfenn a spi a sav ennoc’h a-daol-trumm.

— Muzik ur gistinenn rous o tifaragoelliń eus beg ar wezenn : un notennig skańv war bep delienn.

— Gant un devezh avelaj : striv ur big, ur skourrig en he beg, o nijal a-dreuz e klask tizhout he neizh e barr uhelań an oulmenn du !

— Ul laouenanig o kanań seder. Ken sonn e lost gantań, gwintet war beg bińs-tro ur waskerell avaloů.

— Mesper oc’h azviń (hańval ouzh roz gell), en ur vrousgwezenn hanter dibourc’h. He deil diwezhań ken flamm ha ma vije bet kuzhet an Heol

dindani.

— Un ebeul bihan o kemer un tamm sukr diwar balv e zorn digant ur bugel.

— Ur bolez o kanań he lorc’h hag he estlamm dirak he vi kentań.

— Bilbilh ar wazhig na welit ket gant ar c’hegid.

— Daou vreurig gevell er memes kavell.

— Un neizhad pennglaouigoů o vont da nij. Hini da hini o tiflukań eus o zoull e moger an ti kozh. O sellout estonet ha nec’het ouzh ar Bed bras. O kemer o lańs war-zu ar vodenn ivin e tu all d’ar porzh.

— Glizh-noz war al lanneg. Antelloů skańv ha diniver ar c’hevnid a seblant listri-hud evit hunvreoů. Pe bleuńv-arc’hant en dro-mań er lann glas.

— Tri baotrig yaouank-yaouank ’n o sav war ar skluz. O sellout e melezour flour al lenn o-zri int splujet en dour evel da glask pakań o skeudenn. Na dudius o gwelout evel tri glesker o neuńv.

— Ur rozenn wenn er mizioů du.

— Dre gan bihan taolenn ar waskerez : gwad an avaloů o ruilhal er penton evel ur froudig dour aour.

— An hini diwezhań er wezenn. Un delienn rous o krenań gant an aezhenn (a sońjec’h). Met sede ma krog da ganań !… Na dudius un delienn a gan !

— Deut zo deoc’h ur froudenn : mont da welout ar wezeg dindan an erc’h. Na dudiusań taolenn a gavit : ur vodenn gargal glas-du lufrus gant e-leizh a voulloů bihan ruz-tan.

— Un dourredenn vihan : dour boull, traezh melen ha bili gwenn. E-kreiz ar wazhig ur maen kinviek. Diskenn ’ra warnań ur foeterig-dour.

A-lammigoů a dro hag a zistro. Gwelout a ra e skeud en dour… Hogen o fouetań dibaouez ar melezour gant e lost hir eo mildorret an daolenn. Drouk ennań ez a kuit.

— Petra dudiusoc’h da lagad ur gour eget blev gwenn-kann e vamm ?

— Ken koant hoc’h eus bet kavet e varzhonegoů. Ken fentus e romantoů leun a virvilh m’o adlennit c’hoazh p’ho pez c’hoant skubań ho sońjoů du.

Nag ho pije karet klevout e vouezh, ur wech en ho puhez.

Ma setu ! O souezh ! Un deiz dre vurzhud ar gwagennoů emań aze o parlant dirazoc’h.

O dudi. Ar vouezh-se ken flour, ken leun, ken yaouank bepred. Biskoazh n’eo bet flouret ho skouarn gant seurt muzik.

Nag ho poa graet ur fazi o sońjal e c’helle bezań mouezh raouliet pe c’hwerv ur c’hozhiad !

Hag e sońjit e madelezh an Aotrou o vezań miret deoc’h evit ho kozhni allazig ur vouezh he dije trellet ho empenn m’ho pije he c’hlevet bremań zo teir gwech ugent vloaz !