Anjela Duval  
An delienn

An delienn

 

A bep tu d’al Leger du

Eflennoł hirvoan a-regennad

O sevel uhel en oabl o gwernioł sonn.

Du-mań du-hont ur wezenn-onn :

Tul gwer o krenań en aezhenn.

Gorre lor an dour : melezour splann

O tameuc’h an daolenn :

Deńved gwenn iskis en oabl glas

Ha bolz-enor ar gwez bras.

Islonk hag ec’honder troad-ouzh-troad.

Un delienn rous o tiskenn eus an ec’honder.

Un delienn rous o sevel eus an islonk.

Gant an hevelep tizh : gorrek hag a-skij

An hevelep ment o-div, an hevelep liv

A-skij unan goustad o tiskenn

A-skij unan goustad o sevel

War gorre lor an dour e pok an eil d’eben

N’eus mui ’met un delienn

A dalc’h da vont, plaen,

            da heul he flanedenn.

 

Diskar-amzer 1963

 

Gant Maria Prat hag an Dregeriz (1972)
 
Degemer |  Roll ar barzhonegoł |  Anjela Duval hiziv
  © Anjela Duval - Pep gwir miret strizh evit an holl vroioł