Anjela Duval  
Aotrou, va lezit c’hoazh…

Aotrou, va lezit c’hoazh…

 

Tad ar grouadelezh

Dasprener ar grouadurien

Sklęrijenn ar Bed holl

Treinded santel hollc’halloudek

Gwerc’hez Vari Mamm Jezuz

Holl sent va Breizh-Izel

Ha va ael gardian

M’ho ped gant fiziańs

Ha gant doujańs

Pardonit din an holl vankoů

Am eus graet e-keńver

Ho Lezenn fur ha santel

A-hed ar bloaz-mań

A zo o vont da astenn

Chadenn va buhez

Dindan un nebeud eurioů

M’ho ped da reiń din

Ar grasoů ret evit

Ho servijiń gant karantez

Er bloaz nevez zo o vont

Da ’n em stagań ouzh

Va chadenn gozh dizale

Mard eo ho polontez

Ned on mui nemet ur

C’hozh tra, ur c’hwezhadennig

Buhez a c’hellit lazhań

Gant an disterań avelig-enep

Ho polontez ra vezo graet

C’hwi ’oar mat Aotrou

Pere eo ar Palioů a glaskan

Tizhout peogwir eo c’hwi

hoc’h eus o diskouezet din

Ar Feiz. Ar Vro. Douar ar Vro.

An tri a zo en arvar

Ha n’eus nemedoc’h a roio

deomp an trec’h.

Ni stourmerien Breizh

Ha gwelout a rit Aotrou

Pelec’h emań hor stourmerien

e toulloů-bac’h Bro-C’hall

Ar vro-se a gred c’hoazh

Tremen evit ho merc’h henań

Hag a ra ken vil d’an holl

Vroioů sujet ganti

Aotrou va lezit c’hoazh

pell war an dachenn

Ken laouen ’vefe va ene

O tegas deoc’h Yaouankiz

Kristen, leun a feiz

Breizhiz kreńv o c’harantez

evit o yezh ha douar sakr

O Bro. Labourerien-douar doujus

d’an danvezioů sakr-se

fiziet enno da vagań an Denelezh

            Amen

 

[2 a viz Ebrel 1981 ?]

 

"""Degas din ar Garantez a dalc'h ar galon en ul leunder a beoc'h"""
 
Degemer |  Roll ar barzhonegoů |  Anjela Duval hiziv
  © Anjela Duval - Pep gwir miret strizh evit an holl vroioů