Anjela Duval  
Eil bugaleaj

Eil bugaleaj

 

Da Ivona Martin

E milin an Amzer ’m eus malet

Pilhoù va yaouankiz.

Holl druilhoù va c’hoantiz.

Drailhennoù va Hunvre.

Froudennoù. Sorc’hennoù.

Ha poanioù. Ha kañvoù.

Holl ’m eus o distrempet

Gant c’hwezenn ha daeroù.

Ha poazhet an doazenn

E tan-flamm va c’halon…

            Graet ganto follennoù,

            A ferin : d’o lufrañ

            Gant houarn kalet va youl.

            Ha warno, me ’skrivo,

            Gant livioù va soñjoù :

            Faltazioù diboell

            Va eil bugaleaj,

E yezh varzhus va Gouenn…

 

Mae 1963

 

""" Hiboud al Leger """
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù