… Tan

 

Glaou ? Fuel ? Lestrisite ? Ne vern, gant ’vo ket koad.

                        Ar c’hoad ? Gwell na vefe tamm

                        Eme ur genoù ledan.

                        A skubas e holl gleuzioù

                        A reas eus e barkoù

                        Ur sahara rivinus

                        Ma tisec’h ennañ al loened

                        eus o sav, suilhet o gwad.

                        Ma tisec’h ennañ an Eost

                        Kent Gouel-Yann.

                        M’eo touzet pep peurvan treut

                        Gant ar c’honikled, graet gante o ribouloù

                        Dindan ar bernioù koad o vreinañ

                        E korn ar gwaremmoù

Ha tommet an ti, evel e kêr !!!

Gant fuel, pe gant tredan

            Ha taolet boued kriz

            Da loened traoñ ar porzh

Evel d’ar moc’h gouez eus amzer Asterisk

                                   Ret heuilh giz-kêr c’hwi ’oar !

Pe chom Plouk betek fin ar Bed !

 

9 a viz Meurzh 1980