Arabat klemm !

 

Tra ma vo un doenn ’us d’ez penn

Tra ma vo tan en oaled da di paour

Tra ma vo bara du war da blankenn

Ha dour sklaer en da feunteun

Tra ma ’c’h eus ur mignon

— Na ve nemet ur c’hi —

Tra ma kano an adan e beg ar buplienn

Tra ma vleunio al lann unnek miz eus ar bloaz

Tra ma savo an Heol ’tre Kiligwenn ha Pabu

Ha ma yel’ da guzh ’tre an Dreinded hag ar Seizh Sant

Tra ma welo da lagad mil Vurzhud an Natur

Tra ma klevo da skouarn kleier Tregrom

O seniń ken drant an Ańjelus

Tra ma santo da fronelloů

Frond an douar nevez aret

C’hwezh mezvus ar spern gwenn

Ha c’hwezh soutil ar bisoů-haleg

Tra ma savo da Bedenn

Etrezek Mestr ar Bedoů

Na lavar ket eo ponner

            Pouez ar Gozhni…

 

3 a viz Kerzu 1979