D’al Lilienn Peurc’hlan

 

Hir ha yen ha du an noz : Kerzu.

An Douar o krenań gant ar riv,

En teńvalijenn an dic’hoanag.

Beuzet en e bec’hed abaoe milvedoů

Ha sede en donań un noz goańv

Ul luc’hedenn o tarzhań…

Ur skinenn sklęrijenn o toullań an Oabl,

Hag o tiskenn war ar Bed noazh ha yen,

Da hadań ur c’hreunenn a spi.

Ha sede an Douar e go :

Engehentet eo al Lilienn.

            Al Lilienn Peurc’hlan.

Al Lilienn a dougo, a c’hano, a vago

            An Oan !

Hag e gwad glan an Oan,

’Vezo gwalc’het pec’hed ar Bed.

Hag un Heol nevez a baro

War ar Bed kozh dasprenet.

Ha dougen ’ray un anv doueel :

            Karantez.

 

8 a viz Kerzu 1963