Anjela Duval  
Brug ha Lili

Brug ha Lili

 

O Doue meur an Neñv !

Daoust ha c’hwi ’garfe

Ne vije mui nemet ur vleuñvenn

En ho liorzh da vare an Eost ?

’Met ur seurt bleuñv, ur seurt trevad ?

Bez’ hoc’h eus bleuñvioù a bep liv

A bep stumm. A bep frond

O vleuniañ da bep seurt mare

Daoust ha c’hwi zo o klask

Gwelout hini pe hini o vont da get

Pa lezit darn da gemer re a lec’h

Da zebriñ magadurezh darn all

D’o disabrañ, d’o aloubiñ, d’o mac’hañ ?

Daoust hag ar bleuñvioù bihan

Ne blijont mui deoc’h

Doue meur an Neñv ?

Daoust hag-eñ ne dalv’ ket

Un dornad kleierigoù brug ruz

Kopell wenn lorc’hus al lilienn ?

Daoust…

 

20 a viz Du 1964

 

Eur sakr ar skrivañ
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù