Anjela Duval  
An treuzoù maen

An treuzoù maen

 

Pedenn eo pe tilsam ?

Enep d’an Temptadur

Ar bazenn vaen-benet

A ra treuzoù an Ti

Ma kan ken taer warni

Va botoù-koad tachet

O tistreiñ da bep pred.

Ar c’han-se bet kanet

Gant botoù-koad va zad

Ha re va mamm garet

… Doue ! Va buhez-pad

Grit m’e ganin bepred.

P’eo pedenn pe dilsam

            Enep d’an Temptadur !

 

1añ a viz Here 1974

 

Gant he zad hag he mamm (1927),
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù