An tren noz

 

… Fenoz am eus anhun.

E glevet am eus o rogań an noz.

An tren milliget o kas du-hont

E-touez treizhidi all

Diwezhań paotr yaouank ar c’hontre.

Arc’hoazh ’vo e Bro-C’hall.

O ! n’eo ket aet a galon laouen

Eń nerzhus ha kalonek d’al labour

Eń ken douget d’an douar.

Pebezh Tonkadur hon hini !

Tu ebet ken da vevań er Vro.

Ret astenn an dorn d’ar C’hallaoued

Ha pennglinań dirazo…

Divizet o deus pell zo : ar pennoů-bras

Goullonderiń Breizh, dre gaer pe dre heg.

(Ha dont a ra brav ganto.)

Ul lodenn d’ar Vered.

Ul lodenn d’an ospis.

Ul lodenn e Park an Armorig.

Hag ar peurrest e servij Bro-C’hall !

Ha forniadoů touristed da Vreizh

Ha trevadennerien estrańjour

O kemer perzh en hor Glad…

Ya. Aet eo va c’heneil yaouank

Da werzhań e amzer wellań

Ha Frankiz e Vuhez

Evit bout graet gantań

Ur Poliser gall…

… Anhun am eus fenoz.

 

Gouel Santez Barba 1972