Arabat

 

Va hiraezh. Va c’hwervoni

— N’anavezan ket an enoe —

Arabat o lakaat em gwerzennoů.

E teńvalań kombod va c’halon

E fell din o derc’hel kuzh.

Arabat ’ouezfe den va c’halvar

Nemet an Hini en deus merket deomp an Hent.

Arabat sammań seurt sammoů

War divskoaz ar re yaouank.

’Pad ma c’hell ar c’hozhiad

O dougen e-unan.

Ret mousc’hoarzhin d’o mousc’hoarzh,

Zoken pa vroud ar boan grisań.

Ret eo magań dezho o spi

En un Dazont a vo o hini

Hag a baeo kantvedoů mezh…

 

2 a viz Kerzu 1972