Benoni

 

Yezh poblek Bro-Dreger

                        I

N’eus ket pell c’hoazh ’traoń ar blasenn

’Oa ur gaer a wezenn faou

Warni gravet don er bluskenn

Sifroů ha lizherennoů

            Rak holl baotred ar vilajenn

            ’Oa pell zo gante ar c’hiz

            Merkań o anv er wezenn

            ’Raok partiań d’ar servij.

                        II

Pa oa deuet tro Benoni

Mab penn-hęr an intańvez

Setu eń ivez o c’hraviń

Warni e anv-badez

            Prest goude ma oa partiet

            ’Oa digoret ar brezel

            Ha biskoazh n’eo bet distroet

            Benoni d’e Vreizh-Izel.

                        III

Da serr-noz ar vamm glac’haret

A deue da vemoriń

’Tal ar wezenn enni gravet

Anv he mab Benoni

            Met setu un deiz koaderien

            O benvioů war o skoaz

            O tiskenn da draoń ar blasenn

            Da ziskar ar faouenn vras.

                        IV

Kerkent ur yudadenn fromus

Emań ’n harpon er wezenn

Ha gant ur strakadenn spontus

Eo kouezhet war ar blasenn

            Ar vamm pa glev an darzhadenn

            Zo diredet eus he zi

            Dont da diskouez d’ar goaderien

            Anv he mab Benoni.

                        V

Ar goaderien tud a galon

Gant preder ha gant evezh

O deus troc’het gant o harpon

An tammig koad en e bezh

            Douget gant doujańs ar blakenn

            D’ar vamm baour betek he zi

            Hag he laket d’ober sichenn

            Dindan poltred Benoni.

 

22 a viz Meurzh 1964