Bac’hañ

A ya ! Bez lorc’h ennout

Dreistden an amzeriad atomek

Bez lorc’h ennout ! Trec’h out…

Te eo ar mestr. Chê ! Petore labour !

Bac’het ac’h eus an Tan !

Ha doñvaet an Tredan !

Bac’het an dour !

Bac’het al lavar hag ar son

E kaoued ar skingomz

Bac’het ar skeudenn hag al liv

A-dreñv gwerenn ar skinwel

Bac’het ar sifroù

E kased an urzhierez

Bac’het ar sklêrijenn

A-dreñv moger al Levrdioù

Plantet da vanniel war al Loar

Ha da Enebour en Toull-bac’h

Ha lakaet da Zoue ez kodell

Ya ’ta. Un dreistden out

Bez lorc’h ennout.

            Tra ma vi…

 

2 a viz Meurzh 1971