Anjela Duval  
Beaj e Bro ar Brum

Beaj e Bro ar Brum

 

Brum ha latar war ar maezioł.

Brum ha latar em menozioł.

Pep skeudenn soubet ’n ur vorenn.

Ha noz ha deiz ur gwall-hunvre.

Gwall-hunvre gronnet a vrumenn.

Va sońjoł n’int nemet rambre.

 

Broud un nadoz ’pleg va ilin.

Em damhun un nebeud gloaz.

Mouezh ar mezeg ’vel ur vilin

O valań gorrek kafe kras.

Ur sparf beuz, ur surpiliz gwenn.

’N un dorn krenus ur c’houlaouenn ;

Ur c’houlaouenn goar war elum :

Skleurig iskis e-kreiz ar brum.

Mignonezed, o fenn stouet,

O pediń sioul hag ankeniet.

Komzoł izel, pennoł teńval.

Ha va divskouarn o voudal ;

Pe an avel yud o sourral ?

Tan o kanań er siminal ?

 

Pegeit eo padet va damhun ?

Pelec’h omp e-barzh ar sizhun ?

Ur mintin ar c’hog o kanań !

Ur beure ur c’hloc’h o tintań.

E toull an nor ur harzhadenn.

Toullwennet bremań ar vrumenn

Tamm-ha-tamm e steuz al latar :

Ur skinenn aour war ar voger ?

 

Sede an Heol o parań trumm

Emaon distro eus bro ar brum

 

16 a viz Genver 1964

 

"""Va chas paour"""
 
Degemer |  Roll ar barzhonegoł |  Anjela Duval hiziv
  © Anjela Duval - Pep gwir miret strizh evit an holl vroioł