Anjela Duval  
A-du pe a-enep

A-du pe a-enep ?

 

— Pajennaouer : petra ’soñjit ?

N’eo ket brav-brav c’hwi ’oar

Al labour a rit

Reut ha flemmus ho pennad-skrid

A-zivout an « divroañ »

Gourc’hemennoù deoc’h a ran…

            Met e sterniañ gant kinnigoù melus

A-berzh labouradegoù gall ?

Biskoazh kemend-all !

— Un nebeud elevez mar plij

Un nebeud elevez m’ho ped

Pajennaouer e benn brell.

 

22 a viz Gwengolo 1968

 

Gant Maria Prat hag an Dregeriz (1972)
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù