Anjela Duval  
Digomprenusted

Digomprenusted

 

— Petra dit tarlammat

Va c’halon re dener ?

Petra dit berviń

Va empenn re brim da folliń ?

Gouzout mat a ouies

— Pe ne ouies ket ? —

— Daoust d’ur garantez difaezhus —

Zo re a ziforc’h etrezomp

’Tre Kęriz ha Peizanted

Va gloazet en deus o goap

Hag o gloazet he deus va zaerded

— Perak an digomprenusted-se

peurbadus etrezomp ?

— Perak hor goapaat

Ober fae warnomp

Ober fent ganimp

dre ma karomp ac’hanout

Sev bev da galon vev

da zouar noazh — o va Bro !

Va Breizh. Va c’harantez. Va Buhez.

Da garout a reont-i ivez — emezo —

— Ya da ! Da sae welevus ha liesliv

Da goadoů glas. Da stęrioů.

Da lannegi aour. Da vorioů hoalus.

Da laboused ha da vleuńv.

Hogen dońjer o dije

O terc’hel etre o bizied gwenn

Ur vozad eus Douar o Bro

Trempet ken lies gant c’hwezenn

                        — ha gwad —

Remziadoů Breizhiz.

Dre garantez ’vidout

Douar sakr va Bro !

E c’houzańvomp an dismegańs-se

                                               — graet dit :

Bezań disprizet ’vit da re garout.

Breizh ! va c’harantez nemedout

Dit va holl nerzh bete ’n elfenn diwezhań

Bete ’n Eur ma tigori da zivrec’h

D’am c’horf digounnar ha divuhez

Tra ma treizho va Ene gredus

Trema Gwenved hor Gouenn.

 

13 a viz Mezheven 1968

 

Start eo ar foenn da sachań !
 
Degemer |  Roll ar barzhonegoů |  Anjela Duval hiziv
  © Anjela Duval - Pep gwir miret strizh evit an holl vroioů