Abardaez-Sul

 

… Selaou ’rajen gant dudi Roazhon-Breizh

Goude ’lakjen urzh em c’hontoù

Lenn ’rajen neuze « Barzhonegoù »

Mont ’rajen end-eeun da welout er prad

Ha bountañ ’ra ar geot nevez

Marteze ’tiskennjen bete ’l Leger

Ha sevel dre ar C’hoad.

Serriñ ’rajen ur mell brec’hiad

Bisigoù-mareñv. Gant ul levenez vugel

O lakajen da vrallañ didrouz

Mil badeziant…

Tud zo deut. Tud ha tud bepred

A-hed an abardaez-Sul

O deus debret va amzer.

Manet ar bisigoù war o skourroù

Emaint-i michañs o tintal

Sioul ha laouen Añjeluzoù d’ar Sul da noz.

… Ha te, plac’h an Hunvreoù ?

Emañ c’hoazh d’an Eur-mañ

Da holl labour-noz da glozañ !…

 

12 a viz C’hwevrer 1968