Ar Vleuńvenn ruz

 

Dediet da F. Danno, rener kalonek ha bepred seder

Beilhadegoů Treger

 

                        I

Er-maez a c’hwezh avel diroll,

Avel diroll ar mizioů du.

En oaled tomm flamm a goroll,

Splann o skediń ’us d’ar glaou ruz.

                        II

Pa strak ar grizilh hag ar glav

War ar prenestr er goańv du ;

Flamm en oaled uhel a sav,

Pa vleugn en ti ar vleuńvenn ruz

                        III

En nozvezhioů hir ar goańv

Bodet holl en-dro d’an Oaled

Kozh ha yaouank bepred a gan

Gwerzennoů ken dous ar Gelted.

                        IV

Eürus neb en deus un ti kozh.

En oaled un tantad glaou ruz ;

En e gichen ur gwele kloz

Da repoz ’hed an nozioů du.

                        V

Ha daoust da vezań hir an noz :

Nozioů teńval ar mizioů du.

Kalon an derv ’vez, antronoz,

Kavet ruz-bev c’hoazh el ludu.

                        VI

Tra ’vo koad e bro ar Gelted

Ha gwez derv gwenn ha gwez derv du

Ra vleunio bepred en Oaled

Splann ha skedus ar Vleuńvenn ruz.

                        Pe

Tra ’vo kleuzioů ’n hor Bro-ni

O tougen derv gwenn ha derv du

Ra vleunio en Oaled pep ti

Splann ha skedus ar Vleuńvenn ruz !…

 

27 a viz Here 1964