Anjela Duval  
E Prad ar Rinier

E Prad ar Rinier

 

Houidi gouez o gouzoug glas

Douryer lentik o mentell rous

O voueta sioul war c’hlann ar wazh

A darnij d’an disterañ trouz

E-touez ar raoskl e korn ar skluz

Ar yer-dour a red da ’n em guzh

An houad gouez a spluj en dour

E lamm ’vilzamm ar melezour

A vildorr skeudenn splann al lenn

A freuz dameuc’h ar c’hogus gwenn

Gwernioù uhel an elo sonn

O vrallañ goustad en aezhenn

Ha damskeud ar Pont Kozh romen

Etre an haleg hag an onn.

 

Chandelour 1968

 

"Pierre Dubourg evit e film diwar-benn ""Les mystères de la terre"" (1976)"
 
Degemer |  Roll ar barzhonegoù |  Anjela Duval hiziv
  © Anjela Duval - Pep gwir miret strizh evit an holl vroioù